Qytetarët kanë raportuar se kanë parë duke dalë tym nga një banesë te Santea në Prishtinë.

Zjarrfikësit kanë dalë në vendin e ngjarjes dhe kanë konstatuar se tymi ka dal pasi aty po bëheshin renovime.

Komandanti i Zjarrfikësve, Abdusamed Shkodra për Klankosova.tv u shpreh se tymi ka ardhur nga prerja e disa materialeve me të cilat po bëheshin renovimet.

“Në orën 18:15 kanë lajmëruar se po del tym nga një banesë te Santea në Prishtinë. Zjarrfikësit e kanë gjetur vendin dhe kanë parë se aty po bëheshin renovime dhe se nga prerja e materialeve, plastikeve ka dalë tym dhe disa aroma”, u shpreh ai.