Presidenti i Serbisë, Aleksandar Vuçiq, ka biseduar sot në telefon me presidentin e Rusisë, Vladimir Putin, i cili e ka uruar për fitoren bindëse në zgjedhjet presidenciale dhe për fitoren shumë domethënëse të SNS-së në zgjedhjet parlamentare.

Putini i uroi Vuçiqit fat dhe sukses në postin e tij të përgjegjshëm si kreu i shtetit dhe përparimin e Serbisë në pesë vitet e ardhshme, me bindjen se Serbia dhe Rusia do të mbajnë marrëdhënie vërtet miqësore, tha shërbimi për shtyp i presidentit.

Vuçiq falënderoi për urimet dhe tha se Serbia do të vazhdojë të ndjekë politikën e rrugës evropiane, duke ruajtur marrëdhëniet e sinqerta dhe tradicionale miqësore me Federatën Ruse.

Të dy bashkëbiseduesit analizuan situatën ekonomike dhe marrëdhëniet dypalëshe në fushën e energjetikës dhe tregtisë, të cilat në vitin 2021 dhe në dy muajt e parë të vitit 2022 shënuan rritje, që është një shenjë e mirë e bashkëpunimit të suksesshëm.

Vuçiq e informoi Putinin për vështirësitë me të cilat ballafaqohet Serbia gjatë importit të naftës bruto dhe shprehu besimin se lidershipi i Gazpromneft dhe Serbisë, si dhe partnerët nga BE-ja, do të gjejnë një rrugëdalje nga një situatë e tillë.

Gjithashtu, Vuçiq dhe Putin deklaruan se kontrata afatgjatë e gazit që Serbia kishte skadon më 31 maj dhe se është e nevojshme që në një kohë sa më të shkurtër të fillojnë bisedimet për çmimin, sasinë dhe kushtet e tjera të prokurimit të këtij karburanti të rëndësishëm për Serbinë. Tanjug.

Në fund, Putin e informoi Vuçiqin për ngjarjet në Ukrainë dhe arsyet pse Rusia udhëhiqej nga, siç tha Putin, operacionet në Ukrainë dhe presidenti Vuçiq iu referua qëndrimeve tashmë të njohura të Serbisë dhe konkluzioneve të Këshillit të Sigurisë Kombëtare, duke shprehur shpresë. se konflikti në Ukrainë do të përfundojë sa më shpejt të jetë e mundur, transmeton Tanjug.