Brazili do të jetë pa yllin Neymar në ndeshjen hapëse të Kupës së Botës 2026 kundër Marokut.

Përzgjedhësi i Brazilit, Carlo Ancelotti, ka konfirmuar se sulmuesi tridhjetë e katër vjeçar nuk është ende i gatshëm për të luajtur në sfidën e së shtunës, më 13 qershor.

Neymar ishte rikthyer në listën e Brazilit për herë të parë që nga lëndimi i rëndë në ligamentin e gjurit , të cilin e pësoi në një ndeshje miqësore në tetor të vitit 2023.

Megjithatë, vetëm pak javë para fillimit të Botërorit, ai pësoi edhe një lëndim tjetër. Pavarësisht kësaj, Ancelotti vendosi ta mbajë në skuadër, duke shpresuar në rikuperimin e tij gjatë turneut.

Duke folur para përballjes me Marokun, e cila konsiderohet ndeshja më e vështirë e grupit për brazilianët, Ancelotti ka thënë se Neymar po punon intensivisht për t’u rikthyer sa më shpejt.

“Ai po punon shumë për t’u rikthyer në formë sa më shpejt që të jetë e mundur. Shpresojmë që javën e ardhshme të rikthehet në stërvitje të plota”, ka deklaruar trajneri italian.