Përfaqësuesja e vajzave U19 e Kosovës, në futboll, do të zbresë sot në fushë për një përballje të rëndësishme kundër Ishujve Faroe, në kuadër të UEFA Women’s Under-19 Championship.

Ky takim konsiderohet një test i rëndësishëm për ekipin kosovar, i cili synon të tregojë formë të mirë dhe të vazhdojë me paraqitje pozitive në këtë kompeticion evropian për të reja. Stafi teknik ka theksuar rëndësinë e përqendrimit dhe disiplinës në lojë, duke pasur parasysh rivalin që kërkon gjithashtu pikë të vlefshme.

Ndeshja zhvillohet më 18 prill, në stadiumin “Raudondvaris”, me fillim nga ora 11:00.