Ish presidentja e Kosovës, Vjosa Osmani, ka bërë të ditur se është ftuar si një nga folëset kryesore në TED Talk, që po mbahet në Vancouver.

Ajo e ka cilësuar këtë pjesëmarrje si një privilegj të veçantë duke theksuar rëndësinë e kësaj platforme globale ku idetë shndërrohen në nxitje për veprim.

Në fjalimin e saj, Osmani pritet të flasë për historinë e Kosovës duke theksuar se mbrojtja e përditshme e së vërtetës, demokracisë dhe humanizmit është çelësi që edhe vendet e vogla të arrijnë të frymëzojnë ndryshime të mëdha dhe pozitive në botë.

Sipas saj, përvoja e Kosovës mbetet një dëshmi se përkushtimi ndaj vlerave universale mund të tejkalojë kufijtë dhe të shërbejë si shembull frymëzues në arenën ndërkombëtare. /Kosova.info/