Kryetari i Prishtinës, Përparim Rama, ka shprehur mirënjohje publike për Shemsi Bekteshi, i cili në mënyrë vullnetare ka kontribuar në mbajtjen e ambientit të pastër duke mbledhur mbeturinat.

Rama theksoi se veprime të tilla përfaqësojnë një shembull të rrallë të përgjegjësisë qytetare dhe janë frymëzim për të gjithë komunitetin.

Ai e falënderoi Bekteshin për përkushtimin dhe kujdesin ndaj hapësirave publike duke nënvizuar rëndësinë e angazhimit të qytetarëve në ruajtjen e mjedisit. /Kosova.info/