Prishtina e ka fituar ndeshjen e parë të xhiros së 15-të të Superligës së Kosovës në hendboll në konkurrencë të femrave.

Të shtunën në Pallatin e Rinisë, Prishtina fitoi ndaj Besës së Pejës me rezultat 42:30.

Celina Tolno Sia me 9 gola dhe Nikelina Franca me gjashtë ishin më efikaset te Prishtina. Pesë i realizoi Arlinda Maloku.

Te Besa nëntë gola i shënoi Edona Radoniqi, shtatë Samanda Konjuhaj dhe gjashtë Klea Kelmendi.

Prishtina është e pesta me 14 pikë. Besa mbetet në vendin e tetë me dy pikë.

Tri ndeshjet e tjera janë të dielën. /Kosova.info/