Bullgaria do të marrë pjesë në Seancën hyrëse të Këshillit për Paqe në Uashington më 19 shkurt 2026, me ftesë të themeluesit dhe kryetarit‑themeltar, Donald Trump, president i SHBA‑së.

Vendimi u mor në mbledhjen e fundit të qeverisë në dorëheqje të Rosen Zheljazkov. 

Është caktuar një delegacion treanëtarësh i kryesuar nga Ivan Najdenov, sekretar i përhershëm në Ministrinë e Punëve të Jashtme. Anëtarët e tjerë janë Konstantin Dimitrov, drejtor i përgjithshëm për çështjet politike në ministri, dhe Stefka Jovçeva, e ngarkuar me punë në Ambasadën e Bullgarisë në Uashington.

Delegacioni i Bullgarisë do të marrë pjesë si përfaqësues i një shteti pa të drejtë vote, në përputhje me Statutin e Këshillit për Paqe. 

Pjesëmarrja e Bullgarisë është në përputhje me pozitën e qartë të vendit tonë në mbështetje të përpjekjeve për paqe të qëndrueshme, siguri dhe stabilitet në Lindjen e Mesme, thekson qeveria.

Karta e Këshillit për Paqe në Gaza u nënshkrua në Davos nga kryeministri në dorëheqje Zheljazkov, por dokumenti nuk është ratifikuar nga parlamenti, raporton Radio Bullgaria në gjuhën shqipe.