Patrick Vieira nuk është më trajner i Genoa. Klubi i fundit në tabelën e Serie A ka njoftuar të shtunën se francezi ka lënë detyrën, ndërsa skuadra do të drejtohet përkohësisht nga Roberto Murgita, i asistuar nga ish-mbrojtësi Domenico Criscito.

Genoa ka vetëm tri pikë dhe asnjë fitore pas nëntë ndeshjeve të para të sezonit, fillimi më i keq i klubit në elitën italiane.

Tifozët kanë protestuar ashpër pas humbjes 2:0 në shtëpi kundër Cremonese të mërkurën, dhe që nga ajo ditë është raportuar se Vieira është afër largimit.

Francezi bëhet trajneri i dytë që humb punën këtë edicion në Serie A, pas shkarkimit të Igor Tudorit nga Juventus të hënën.