Torino ka befasuar kampionin e Italisë, Napolin, duke e mposhtur 1:0 në “Stadio Olimpico Grande Torino”, në një ndeshje të luftuar deri në fund.

Pas disa tentimeve të pasuksesshme në fillim, vendasit e kanë gjetur golin vendimtar në minutën tridhjetë e një me Giovanni Simeone, i cili e ka shfrytëzuar një top të lirë në zonë dhe e ka kaluar me qetësi portierin Vanja Milinkovic-Savic.

Napoli ka pasur raste të mira me Kevin De Bruyne dhe Lorenzo Lucca, por nuk ka arritur ta gjejë rrjetën. Në minutat e fundit, skuadra mysafire e ka shtuar presionin, ndërsa një goditje e Matteo Politano është ndalur në shtyllë dhe më pas Noa Lang ka shënuar, por goli është anuluar nga VAR për pozitë jashtë loje.

Kjo është vetëm fitorja e dytë e Torinos në këtë sezon të Serie A, por e para ndaj Napoli që nga viti 2015. Ndërkohë, kampionët italianë e kanë regjistruar humbjen e dytë në tri ndeshjet e fundit të kampionatit dhe të tretën radhazi si mysafirë. 

Edhe pas kësaj humbje, Napoli mbetet në krye të tabelës së Serie A, me pesëmbëdhjetë pikë, aq sa ka edhe Roma.