Portieri çek Matej Kovar është zyrtarisht lojtari më i ri i PSV Eindhoven.

Klubi holandez ka arritur marrëveshje me Bayer Leverkusen për ta marrë njëzet e pesë vjeçarin në formë huazimi për një sezon, me të drejtë blerjeje në fund të vitit.

Kovar, që është edhe pjesë e Kombëtares së Çekisë, ka thënë se është shumë i lumtur për këtë hap të ri në karrierën e tij.

“Që nga momenti i parë që mora ofertën, isha i bindur që PSV është vendi i duhur për mua. Dua të përmirësohem si portier dhe si person këtu. Qysh tani ndihem i sigurt dhe i mirëpritur”, ka deklaruar Kovar.

Transferimi i tij erdhi pasi PSV kishte nevojë për një portier të dytë, pas afrimit të Nick Olij. Drejtuesit e klubit janë të bindur se Kovar mund të luftojë për fanellën e titullarit.

“E kemi ndjekur Matej Kovar prej kohësh. Ai është portier i besueshëm dhe di të luajë mirë me këmbë. Tani kemi dy portierë shumë cilësorë në skuadër”, ka thënë drejtori sportiv i PSV-së, Earnest Stewart.