Është shpallur konkursi për regjistrimin e nxënësve në klasën e 10-të në gjimnaze dhe shkolla profesionale për vitin shkollor 2025/2026 nga Drejtoria Komunale e Arsimit në Komunën e Gjilanit. 

Drejtori për Arsim Shpend Nuhiu, tha se është shpallur konkursi për regjistrimin në klasën e 10-të në gjimnaze dhe shkollat profesionale. 

Sipas tij konkursi është i hapur nga data 8 korrik deri më 10 korrik 2025, çdo ditë nga ora 08:00 deri në 16:00. Dokumentet mund t’i dorëzoni personalisht në shkollën ku dëshironi të regjistroheni. 

Drejtori i Arsimit, tregon se rezultatet do të shpallen më datë 11 korrik në objektet shkollore ku kanë aplikuar. 

“Ju urojmë shumë suksese dhe mirëseardhje në kapitullin e ri të arsimit tuaj. Mirë u takofshim në shtator”, tha Shpend Nuhiu. /Kosova.info/