Mjeti ajror luftarak pa pilot UCAV Bayraktar Akinci goditi objektivat ajrore me saktësi të plotë me raketën me precizitet të lartë Kemankes 1 të fuqizuar nga inteligjenca artificiale, në provën e qitjes.

Sipas një deklarate nga prodhuesi i dronit Baykar të shtunën, testet u kryen me sukses, misioni u krye në një skenar sfidues.

Sipas skenarit, dy raketa Kemankes 1 u qëlluan drejt objektivave ajrore në lëvizje të mbajtura nga një dron tjetër.

Raketa Kemankes 1 të fuqizuara nga inteligjenca artificiale fluturuan në mënyrë autonome drejt objektivave të caktuar dhe i shkatërruan ato me precizitet dhe saktësi të lartë, duke dëshmuar aftësitë e tij të identifikimit, navigacionit, qitjes dhe zhytjes vizuale – shkatërrimi i objektivave ajrore, transmeton Anadollu, përcjell KosovaPress.

Bayraktar Akinci i Baykar është një UCAV me kapacitet të lartë ngarkese dhe aftësi misioni me rreze të gjatë veprimi, dhe Bayraktar TB3 është UAV-i i parë në botë që mund të ngrihet dhe të ulet në anije me pista të shkurtra.

Kemankes 1 është një raketë me precizitet të lartë e fuqizuar nga inteligjenca artificiale me një rreze veprimi prej mbi 200 kilometrash.

Deri më tani, Baykar ka nënshkruar marrëveshje eksporti me 35 vende për UAV-in Bayraktar TB2 dhe me 15 vende për UCAV-in Bayraktar Akinci.