Haxhi Avdyli, bashkë me kolegët e tij nga Partia Guxo dhe deputetët e tjerë të administratës së Kuvendit të Kosovës, ka bërë regjistrimin zyrtar si deputetë të rinj të kësaj legjislature. Kjo është një hap i rëndësishëm, pasi përfaqësuesit e rinj tani do të fillojnë zyrtarisht mandatin e tyre në Kuvendin e Kosovës.

Në një deklaratë pas regjistrimit, Avdyli theksoi se ky është një moment i rëndësishëm për të, si dhe për ekipin e tij duke shprehur angazhimin e tyre për të mbrojtur interesat e qytetarëve dhe të vendit. Ai premtoi se do të angazhohen maksimalisht për përfaqësimin e popullit duke qëndruar gjithmonë besnik ndaj tij dhe përparimit të Kosovës.

“Si gjithmonë, do mundohemi të ju përfaqësojmë në mënyrën më të mirë duke qëndruar zëri juaj besnik në mbrojtje të interesave të vendit,” tha Avdyli. Ai gjithashtu shtoi: “Zoti na ndihmoftë në misionin e avancimit të punëve të mira për Kosovën.”

Ky regjistrim zyrtar përfaqëson fillimin e një etape të re për Avdylin dhe kolegët e tij, që synojnë të kontribuojnë në zhvillimin e vendit dhe përmirësimin e kushteve për qytetarët e Kosovës. /Kosova.info/