Gjashtë persona janë lënduar gjatë një përleshjeje që ka ndodhur në fshatin Ujmir, në komunën e Klines.

Sipas informacionit të policisë, tre nga të lënduarit janë goditur me thikë, ndërsa për tre të tjerët ende nuk dihen detaje të plota.

Zëdhënësi i Policisë për rajonin e Pejës, Fadil Gashi, tha për RTKlive se lidhur me rastin janë informuar rreth orës 19:50. Policia ka dalë menjëherë në vendin e ngjarjes dhe kanë nisur hetimet.

Dy prej të lënduarve janë dërguar për trajtim mjekësor në Qendrën Klinike Universitare të Kosovës (QKUK).