Bayern Munich ka regjistruar një fitore të thellë 5-0 ndaj Hoffenheim në “Allianz Arena”, duke e konfirmuar epërsinë e tyre në krye të Bundesligës me një diferencë prej katër pikësh nga ndjekësit e Bayer Leverkusen. 

Skuadra e trajnerit Vincent Kompany ka treguar dominim të plotë që nga fillimi. Leroy Sane e ka hapur serinë e golave që në minutën e shtatë. Pesë minuta më pas, Harry Kane dhe Raphael Guerreiro kanë realizuar një kombinim të bukur, duke i dhënë portugezit mundësinë për të shënuar golin e dytë.

Kapiteni i Anglisë, Kane, e ka shtuar rezultatin në 3-0 pas një penalltie të shkaktuar nga prekja e topit me dorë nga Kevin Akpoguma.

Në pjesën e dytë, Mathys Tel, i futur nga stoli, ka kontribuar menjëherë me një asistim për golin e dytë të Sane.

Serge Gnabry, një tjetër zëvendësim, e ka vulosur fitoren me golin e pestë.

Pas kësaj ndeshje, Bayern kryeson tabelën me dyzet e dy pikë, ndërsa Bayer Leverkusen ndjek me tridhjetë e tetë pikë. Nga ana tjetër, Hoffenheim, mbetet në pozitën e gjashtëmbëdhjetë me vetëm katërmbëdhjetë pikë.