Shefi i Kombeve të Bashkuara, Antonio Guterres, tha se grupi i Houthit duhet të ndalon menjëherë të gjitha sulmet ndaj anijeve ndërkombëtare në Detin e Kuq.

Guterres i quajti sulmet e tilla si të papranueshme dhe tha se ato po rrezikojnë zinxhirët e furnizimit global dhe “kanë një ndikim negativ në situatën ekonomike dhe humanitare në mbarë botën”, thuhet në një deklaratë, shkruan CNN.

Ai tha se vendet që mbrojnë anijet e tyre nga sulmet Houthi duhet ta bëjnë këtë në përputhje me ligjin ndërkombëtar dhe jo të përshkallëzojnë situatën.

Kjo vjen pasi ushtritë e Shteteve të Bashkuara dhe Mbretërisë së Bashkuar, të mbështetur nga disa vende të tjera, nisën sulme kundër objektivave të Houthi në Jemen të enjten.