KRU “Prishtina” ka njoftuar se disa lagje të Prishtinës do të kenë reduktime në furnizimin me ujë të pijshëm.

Kjo pasi, sipas njoftimit, nga Departamenti i Cilësisë së Ujit u ka ardhur një kërkesë për uljen e sasisë së ujit në trajtim në Badoc.

“Me kërkesë të departamentit të cilësisë se ujit, kemi ulur sasinë e ujit në trajtim nga ITUP Badoc, me qëllim të ruajtjes së cilësisë së ujit. Jemi duke punuar me 35 % të kapacitetit, andaj ulja e trajtimit do të ndikojë që zonat të cilat furnizohen nga Badoci do të afektohen me reduktime”.

“Graçanica do reduktohet nga ora 22:00-5:00, zonat si Hajvalia, Mati, Bregu i Diellit do të kenë çrregullime në furnizim me ujë”, theksoi Arjeta Mjeku, zëdhënëse e KRU “Prishtina”.

Kompania nuk bëri të ditur se kur do të kthehet normaliteti në furnizim me ujë të pijshëm. /Kosova.info/