Presidentja e Kosovës, Vjosa Osmani ka thënë se djegia e shtëpisë së familjes serbe Joziq në Istog është një akt i papranueshëm.
Përmes një postimi në Twitter, Osmani ka bërë të ditur se ka qenë për vizitë në shtëpinë e familjes Joziq.

“Istogu ka qenë gjithmonë një shembull i ndritshëm i gjithëpërfshirjes që përqafoi forcën e diversitetit. Djegia e shtëpisë së familjes Joziq është një akt i papranueshëm. Një akt kundër Republikës sonë”, ka shkruar Osmani.

Tutje Osmani ka thënë se “ndërsa ne po rindërtojmë shtëpinë e tyre, ne jemi të përkushtuar të sigurojmë që ata të ndihen të sigurt dhe të sigurtë”.