Gazeta gjatë ditës së djeshme ka raportuar lidhur me një rast ku një person dyshohet se ka shtënë disa herë me kallashnikov gjatë një ahengu familjar në fshatin Ozdrim të Pejës.

Pas pamjeve të publikuara nga Sinjali i dyshuari tashmë është identifikuar.

Burimet brenda Prokurorisë kanë bërë me dije se bëhet fjalë për Leotrim Elshani, 34-vjeçar.

Të njëjtat burime njoftojnë se Policia në koordinim me Prokurorinë kanë kryer bastisje në shtëpinë e Elshanit, por ai nuk është gjetur aty pasi që ndodhet jashtë vendit.

I dyshuari është kontaktuar dhe i njëjti ka pohuar se do të dorëzojë armën vullnetarisht.

Me urdhër të prokurorit, rasti është cilësuar ‘Përdorim i armës apo mjetit të rrezikshëm’.