Skenat e Ditës së Gjykimit” u shpalosën në Pakistan pasi një sulmues vetëvrasës e pati shënjestër një tubim publik, duke vrarë të paktën 45 persona, ka thënë një dëshmitar okular për BBC-në.

Njerëzit bërtisnin për ndihmë derisa ekipet e shpëtimit shkuan në vendin e ngjarjes në rrethin veriperëndimor Bajaur të dielën, tha organizatori i tubimit, Imran Mahir.

Shënjestër e sulmit ishte partia Jamiat Ulema-e-Islam-Fazl (JUI-F) e cila është pjesë e koalicionit qeveritar.

“Një person që qëndronte pranë meje vdiq. Një tjetër u plagos”, tha Mahir.

“Ishte një tingull i madh. Fillimisht mendova se kishte ndonjë problem me gjeneratorin. Veshët e mi kanë dhembin shumë, ndërkaq edhe koka më dhemb ende”.

Qindra persona ishin paraqitur në tubim, i cili ishte një mundësi për JUI-F për të mbledhur mbështetësit e saj përpara zgjedhjeve që priten të zhvillohen më vonë këtë vit.

Mahir e përshkroi shpërthimin e bombës se ajo kishte lëshuar flakë dhe fishekë mbi turmën që u mblodh në qytetin Khar, në provincën Khyber Pakhtunkhwa, afër kufirit të Pakistanit me Afganistanin.

“Pashë të plagosur dhe të vdekur rreth meje. Ishte një situatë shumë e keqe – ishte si fundi i botës. Menjëherë pas shpërthimit pati një panik, ishte kaos, njerëzit vraponin gjithandej”, tha ai.

“Nuk e di pse nuk u lëndova, ishte fati im, koha ime nuk kishte mbaruar akoma. Ishte një burrë rreth të 80-tave shumë larg shpërthimit, por ai kaloi”, tha Mahir.

Zyrtarët kanë paralajmëruar se numri i të vdekurve mund të rritet më tej, pasi 15 persona janë në gjendje kritike, shkruan BBC.