Futbollisti i Kosovës Edon Zhegrova, është shpallur “Lojtari i Muajit” për muajin mars në Ligue 1 nga “EA Sports”, brendi i njohur i lojërave elektronike.

Ekipi i tij, Lille i regjistroi dy barazime e tri fitore muajin e kaluar, për të vazhduar garën për një vend që e dërgon në Ligën e Kampionëve, thuhet në njoftim.

Zhegrova ishte prej më të mirëve, ku u veçua performanca e tyre në derbin e veriut, ndaj Lens, ku shënoi të dy golat e fitores.

Kështu reprezentuesi i Kosovës u votua si “Lojtari më i mirë i muajit” për muajin mars edhe nga “EA Sports”.