Rusia po pëson humbje të mëdha në vazhdimin e sulmeve të ashpra në rajonin lindor të Donetskut dhe po përgatit sulme të reja në infrastrukturën energjetike të Ukrainës, tha sot presidenti ukrainas Volodymyr Zelensky.

“Sulmet shumë të ashpra ruse në rajonin e Donetskut po vazhdojnë. Armiku po pëson humbje serioze atje,” tha Zelensky në fjalimin e tij të natës me video.

Zelensky tha se ai beson se “Rusia po përqendron forcat dhe mjetet e sulmeve masive në infrastrukturën tonë, energjinë në radhë të parë”, shkruan Reuters.