Zelensky i vendos sanksione Assadit

Presidenti i Ukrainës, Volodymyr Zelensky nënshkroi një dekret të shtunën për të sanksionuar qindra individë, përfshirë presidentin sirian Bashar al-Assad , sipas një deklarate të qeverisë ukrainase.

Dekreti, i cili miratoi një propozim nga Këshilli Kombëtar i Sigurisë dhe Mbrojtjes së Ukrainës, vendos sanksione kryesisht ndaj qytetarëve dhe personave juridikë rusë.

Por, lista përfshin edhe emra të tjerë të shquar si kryeministri sirian Hussein Arnous, ministri i Jashtëm sirian Faisal al-Mekdad dhe shefi i Shtabit të Forcave të Armatosura të Iranit, Mohammad Bagheri.

Sanksionet, të cilat urdhërojnë ndalimin e operacioneve tregtare dhe kufizojnë ose ndalojnë plotësisht burimet e transportit, fluturimet ose udhëtimet e tjera përmes Ukrainës, do të vendosen për 10 vjet.

Këtë javë, Assad u takua me presidentin rus Vladimir Putin në Moskë në vizitën e tij të parë në Rusi që nga agresioni i Ukrainës.

Assad, i cili ishte në gjendje të qëndronte në pushtet për shkak të mbështetjes së gjatë ushtarake të Rusisë përsëriti besnikërinë ndaj Putinit dhe mbështetjen e tij për luftën në Ukrainë.

Go to TOP