Të dielën në palestrën e shkollës “Astrit Bytyqi”, në Ferizaj është mbajtur Kampionati Individual për grup-moshën nën 17 vjeçe.

Të dy titujt i kanë rrëmbyer anëtarët e klubit Liria: Andis Çeku dhe Taibe Ruli.

Andisi, në finale ka fituar ndaj Arti Karabaxhakut me 3:0 në seta, kurse Taibja, ndaj Jona Hashanit me 3:1.

Andisi u tregua superior që nga fillimi dhe të gjitha ndeshjet i fitoi me 3:0 në sete, duke përfshirë edhe atë ndaj Akil Mahmutit në gjysmëfinale, ndërkaq finalisti tjetër Arti Karabaxhaku, në gjysmëfinale ishte më i mirë se Ylber Beka (3:0).

Taibja, ndërkaq në gjysmëfinale ishte më e mirë se Tuana Gacaferi me 3:0, kurse finalistja e dytë, Jona Hashani në gjysmëfinale e mundi Anisa Domanikun me 3:0 në sete.

Në kategorinë e çifteve të femrave, kampione u shpallën Anisa Domaniku dhe Tuana Gacaferi pasi në finale e mundën çiftin e favorizuar Taibe Ruli dhe Jona Hashani me rezultatin 3:1 në seta.

Te çiftet e meshkujve, Andis Çeku dhe Arti Karabaxhaku në finale e mundën çiftin vushtrrias Ibrahim Maloku/Ylber Beka me 3:1 në seta.

RENDITJA FINALE:

Meshkujt – individuale:

1. Andis Çeku

2. Arti Karabaxhaku

3. Akil Mahmuti

3. Ylber Beka

Femrat – individuale:

1.Taibe Ruli

2. Jona Hashani

3. Anisa Domaniku

3. Tuana Gacaferi

Çiftet – femra:

1. Anisa Domaniku/Tuana Gacaferi

2. Taibe Ruli/Jona Hashani

3. Jonida Ibrahimi/Vlera Beqa

3. Malda Bllaca/Zana Bllaca

Çiftet – meshkuj:

1. Andis Çeku/Arti Karabaxhaku

2. Ibrahim Maloku/Ylber Beka

3. Amant Sejdiu/Olti Behluli

3. Akil Mahmuti/Rron Kolloni /Kosova.info/