Vetëm 22 vjeçe, bota e Arnisa Gashi-t dhe e familjes së saj u përmbys shpejt brenda një çasti kur ajo u godit papritmas nga encefaliti autoimun i rëndë, sëmundje e cila sulmon Sistemin Nervor dhe për fat të keq nuk mund të trajtohet në Kosovë.

Për studenten e shkëlqyer te infermierisë, mëngjesi i 10 qershorit 2025 nuk ishte i lehtë. Fillimisht me konfuzion, mpirje e pastaj me rëndim të situatës shëndetësore dhe kriza të rënda epileptike, e deri tashmë në Kujdesin Intensiv.

Trajtimi Emergjent deri tani:

-Reanimacion në Prishtinë,

-Transport urgjent me avion mjekësor në një klinikë specialiste në Turqi (Emsey Hospital),

-Intubim, steroide me doza të larta, plazmaferezë, dhe antiepileptikë,

-Parashikohen që të paktën 2 muaj të jetë në kujdes intensiv dhe pastaj rehabilitim neurologjik afatgjatë.

Motrat e Arnisës, vëllai dhe dy prindërit po kujdesen për Arnisën 24h. Mirëpo, faturat spitalore jashtë vendit dhe rehabilitimi po rriten çdo ditë dhe familja kanë shpenzuar të gjitha kursimet për trajnimin e deritanishëm.

Prandaj, me zemër te hapur po kërkojmë ndihmën tuaj.

Çdo donacion, pavarësisht shumes, apo thjesht shpërndarja e kësaj fushate, mund të bëjë ndryshim dhe ndihme te madhe për familjen.

Duke dhuruar financiarisht pak nga secili nga ne sot – është shpresë për Arnisën nesër.

Çdo vonesë në luftë me këtë sëmundje është një rrezik i madh për jetën e saj.

Faleminderit që qëndroni pranë Arnisës në këtë periudhe kritike!