Jannik Sinner ka konfirmuar dominimin e tij në tenis botëror duke fituar Madrid Open 2026, pas një finaleje bindëse ndaj Alexander Zverev.

Numri 1 në botë triumfoi me rezultat të thellë 6-1, 6-2 në “Manolo Santana Stadium”, duke e kontrolluar plotësisht ndeshjen nga fillimi deri në fund. Zverev hasi vështirësi të mëdha gjatë gjithë sfidës, me një numër të lartë gabimesh që i hapën rrugën italianit drejt një fitoreje të shpejtë dhe të pastër.

Ky sukses i sjell Sinner-it titullin e katërt Masters 1000 për këtë vit dhe të pestin radhazi, një arritje historike në tenis. Me këtë seri triumfesh, ai bëhet tenisti i parë në histori që fiton pesë turne Masters 1000 radhazi.

Forma e jashtëzakonshme e italianit ka vendosur një standard të ri në qarkun ATP, duke tejkaluar edhe emra të mëdhenj të këtij sporti si Roger Federer, Novak Djokovic dhe Rafael Nadal.

Para triumfit në Madrid, Sinner kishte fituar edhe turnetë në Paris, Indian Wells, Miami dhe Monte Carlo, duke konfirmuar një periudhë dominimi të plotë në sezonin aktual.