Real Madrid ka arritur fitore të thellë me rezultat 4-0 ndaj Osasuna në Javën e trembëdhjetë të La Liga.

Pas humbjes nga Barcelona në kampionatin vendas po edhe nga Milan në Champions League, skuadra e drejtuar nga carlo Ancelotti kishte nevojë për një paraqitje bindëse para tifozëve vendas dhe e ka bërë.

Protagonisti kryesor i ndeshjes ishte Vinicius Junior, i cili ka realizuar “hat-trick”, duke treguar vlerën e tij në fushë pasi ishte anashkaluar për “Topin e Artë”.

Goli tjetër është shënuar nga Jude Bellingham, ndërsa skuadra e kryeqytetit e ka kontrolluar plotësisht ndeshjen, duke mos lejuar asnjë mundësi për Osasuna.

Kjo fitore e mban Real Madridin në ndjekje të ngushtë të Barcelonës, me vetëm gjashtë pikë distancë nga vendi i parë, ku kryeson me tridhjetë e tri pikë. Ndërkohë, Osasuna gjendet në vendin e pestë.