Policia gjen dy bunkerë dhe armë zjarri në rajonin e Prishtinës dhe Gjilanit
Policia e Kosovës njofton se gjatë një operacioni të koduar ‘Baroni’ në rajonin e Prishtinës dhe Gjilanit, gjeti dy bunkerë dhe disa armë të zjarrit me municion.
Gjatë këtij operacioni policor janë kontrolluar pesë shtëpi banimi në rajonin e Prishtinës dhe një vilë (shtëpi mali) në fshatin Makresh-Gjilan.
Nga kontrollet e realizuara në këto lokacione, kanë rezultuar me gjetjen e:
- dy bunkerë (vende të fshehta, të modifikuara në mënyrë shumë profesionale për fshehjen e gjërave ilegale)
- Armë automatike, një karikator dhe 31 fishekë
- Armë zjarri, një karikator dhe 17 fishekë
- Arme e gjuetisë, një karikator dhe 6 fishekë
- Armë zjarri, një karikator dhe 7 fishekë
Bëhet e ditur se lidhur me rastin, dy personat e dyshuar, meshkuj kosovarë, janë shoqëruar në zyrat e DHTN-së Prishtinë për inicim të rastit, dhe se me urdhër të prokurorit, të dyshuarit pas intervistimit janë dërguar në qendrën e mbajtjes për 48-orë, teksa i dyshuari i tretë ndodhet në arrati.