Shqipëria e ka mbyllur në epërsi (1:0) pjesën e parë të ndeshjes kundër Kroacisë, e cila po zhvillohet në Hamburg, në kuadër të Grupit B në Euro 2024.

Kuqezinjtë kanë shkëlqyer gjatë 45 minutave të parë.

Ka qenë Qazim Laçi, i cili ka shënuar golin e epërsisë në minutën e 11-të.

Ai e ka kthyer në gol me gjuajtje me kokë një harkim të shkëlqyer nga e djathta të Jasir Asanit, duke krijuar festë madhështore në tribuna.

Deri në fund të pjesës së parë Shqipëria pati edhe dy raste të mira.

Fillimisht Nedim Bajrami në minutën e 15-të gjuajti në drejtim të Livakoviqit, por ai arriti ta grushtojë topin në këndore.

Më pas Kristian Asllani doli në rast të pastër shënimi, por gjuajti direkt në portierin kroat.