Në moshën vetëm gjashtëvjeçare, Rosila Gashi po tërheq vëmendjen e gjithë shkollës “Mitrush Kuteli” me pasionin, zgjuarsinë dhe energjinë e saj të jashtëzakonshme. Nxënëse në klasën e parë, ajo është shndërruar në shembull frymëzimi për bashkëmoshatarët dhe mësuesit.

Pas pjesëmarrjes në një projekt digjital inovativ, Rosila u vlerësua si nxënësja më e dalluar digjitale e shkollës – një arritje që dëshmon përkushtimin dhe krijimtarinë e saj.

Suksesi i saj mbështetet nga përkrahja e vazhdueshme e familjes dhe puna e përkushtuar e mësueses Genta Mavriqi, e cila ndihmon çdo ditë në zhvillimin e talenteve të reja.

Rosila Gashi po ecën me hapa të sigurt drejt një të ardhmeje premtuese, duke u bërë simbol i asaj që mund të arrihet përmes dashurisë, edukimit dhe përkushtimit./Kosova.info/