Trajneri i Juventus, Thiago Motta, ka deklaruar se ekipi i tij është i gatshëm për të luftuar për fitore ndaj Atalanta, pavarësisht sfidës së komplikuar.  

Juventus gjendet aktualisht në vendin e pestë të renditjes, nëntë pikë larg Atalanta që mban vendin e tretë. Serie A kryesohet nga Napoli. 

“Ekipi ynë është i zemëruar pas barazimit ndaj Torinos fundjavën që shkoi, por kjo na jep një shtysë për të qenë më të fokusuar në ndeshjen e nesërme. Përballemi me një ekip që, sipas renditjes, është më i mirë se ne, por kemi dëshirën dhe bindjen për të luajtur lojën tonë dhe për të arritur rezultatin që duam, që është gjithmonë fitorja”,ka thënë Motta në konferencën për shtyp.