Fundjava e 4 dhe 5 prillit 2026 do të karakterizohet nga kushte të ndryshueshme meteorologjike.

Të shtunën pritet mot kryesisht i vranët, me intervale të shkurtra me diell. Vranësirat në disa zona do të shoqërohen me reshje shiu. Temperaturat minimale do të lëvizin nga 3 deri në 6 gradë Celsius, ndërsa maksimalet nga 10 deri në 13 gradë. Era do të fryjë nga veriperëndimi me shpejtësi të lehtë deri mesatare.

Ndërkohë, të dielën pritet përmirësim i dukshëm i motit. Parashihet mot me vranësira të shpërndara dhe intervale më të gjata me diell. Temperaturat minimale do të bien në 1 deri në 3 gradë Celsius, ndërsa ato maksimale do të shënojnë rritje të ndjeshme, duke arritur nga 15 deri në 18 gradë Celsius. Era do të fryjë nga verilindja, e lehtë deri mesatare, duke favorizuar kushte më të qëndrueshme atmosferike. /Kosova.info/