Kryetari i Nismës Socialdemokrate, Fatmir Limaj, tha se është e nevojshme një marrëveshje politike për të dalë nga situata aktuale.

“Kontributi më i madh dhe garancia për të ndërtuar institucione është ashtu siç ka ndodhur gjithmonë – kur nuk i keni votat e nevojshme, bëni përpjekje për marrëveshje politike. Një marrëveshje politike e cila siguron shumicën parlamentare, nga e cila del edhe kryetari i Kuvendit, edhe Qeveria e Kosovës”, tha Limaj.