Një tjetër angazhim ndërkombëtar do të ketë Kombëtarja U18 e Kosovës në hendboll (djemtë).

Të mërkurën (nesër) në mëngjes, Kombëtarja jonë e 18-vjeçarëve udhëton për në Belgjikë, ku do të paraqitet në turneun “4 Nations”.

Turneu mbahet në Lokeren, ndërsa pos Kosovës e Belgjikës do të marrin pjesë edhe Luksemburgu dhe Britania e Madhe.

Koordinatori i grupmoshave të reja në Federatën e Hendbollit të Kosovës, Bujar Qerimi, ka publikuar listën e hendbollistëve të ftuar. Qerimi do të asistohet nga Arben Parduzi.

Menjëherë të mërkurën nga ora 18:00, Kombëtarja jonë e luan ndeshjen me Luksemburgun.

Të enjten prej orës 18:00 është ndeshja mes Kosovës dhe Britanisë së Madhe.

Ndërkohë ndeshja mes Belgjikës dhe Kosovës U18 është të premten nga ora 16:00.

Ky turne vlerësohet shumë i rëndësishëm për zhvillimin e mëtejmë të hendbollistëve tanë të rinj.

Lista e lojtarëve: