Java e 13-të në Superligën e Kosovës në futboll nis sot me dy ndeshje interesante.

Gjilani do të jetë nikoqir i Suharekës në një ndeshje ku gjilanasit duhet të marrin rezultat pozitiv.

Momentalisht, ata gjenden në vendin e parafundit dhe assesi nuk po mund të kalojnë nga kriza.

Në anën tjetër, Suhareka është e pesta në tabelë.

Dueli tjetër që zhvillohet sot është mes Dukagjinit dhe Feronikelit 74.

Ekipi nga Klina ka dy fitore dhe dy barazime në katër ndeshjet e fundit dhe gjendet në vendin e shtatë, teksa Feronikeli 74 është i fundit me tri pikë të grumbulluara.