Të paktën tre persona janë konfirmuar të vdekur pasi bombardimet ruse goditën një ndërtesë banimi gjatë natës në qytetin jugor të Zaporizhzhia, tha të enjten një zyrtar i lartë ukrainas.

Në një postim në Telegram, shefi i shtabit të presidentit ukrainas, Andriy Yermak, tha gjithashtu se pesë persona u shtruan në spital.

“Njerëzit flinin në shtëpi, por për terroristët, ndërtesat e banimit janë gjithashtu “objektiva ushtarake”, tha ai.

Më herët, autoritetet ukrainase thanë se një grua shtatzënë ishte në mesin e nëntë personave që u shpëtuan nga rrënojat e një ndërtese banimi në Zaporizhzhia pasi ajo u shkatërrua nga raketat ruse.