Rahoveci e Kastrioti kanë vazhduar me fitore në Superligën e Kosovës në hendboll në konkurrencë të meshkujve.

Të shtunën të dy skuadrat ishin mysafire, në kuadër të xhiros së 18-të.

Derisa kampioni në fuqi, Rahoveci, fitoi ndaj Vëllaznimit në Gjakovë, fituesi në fuqi i Kupës së Kosovës, Kastrioti, fitoi ndaj Trepçës në Mitrovicë.

“Vreshtarët” fituan me rezultat 41:32.

Guilherme Fernandes i realizoi 10 gola për Rahovecin, kurse Granit Kadiri i shtoi nëntë.

Te Vëllaznimi, Matheus Henrique e Florian Rexha i kishin nga tetë gola.

Ndërkohë Kastrioti fitoi me rezultat 43:27. Jeton Bislimi i shënoi plot 17 gola për ferizajasit, derisa Felippe Teixeira i kishte shtatë.

Eris Beqiri ishte më efikasi te Trepça me shtatë gola, derisa gjashtë i kishte Sali Maxhera.

Rahoveci e Kastrioti i kanë 32 pikë në dy pozitat e para.

Vëllaznimi mbetet i katërti me 16 pikë, kurse Trepça e gjashta me 12 pikë. /Kosova.info/