Miha Zajc është kthyer në një protagonist, por pa vullnetin e tij, duke u bërë pjesë e një prej historive më kurioze në afatet kalimtare, ndër vite.

Në vitin 2019, Fenerbahce bleu mesfushorin që atëhershëm luante te Empoli, për një shumë se 4 milionë euro.

Në kohën e transferimit të tij, të dy klubet kishin ranë dakord që pagesa të bëhej deri në shtator 2020 me këste dhe deri këtu gjithçka ishte e saktë.

Sidoqoftë, më 30 të po atij muaji, Fenerbahce i dërgoi paratë skuadrës italiane, vetëm se ato nuk shkuan në llogarinë e Empolit.

Kjo pasi 831,000 euro kishte shkuar te një shitës i makinave në Doetinchem, Holandë.

Klubi që e kishte më herët Zajcin kërkoi shumën nga Fenerbahce, e cila më vone e kuptoi gabimin që kishte bërë dhe kërkoi nga tregtari që të bënte rimbursimin.

Sidoqoftë, ai refuzoi dhe klubi turk filloi një betejë gjyqësore me kompaninë holandeze.

Tani, një Gjykatë ka vendosur në favor të Fenerbahçes dhe shitësi i makinave duhet të dërgojë parat që nuk ishin të tija te klubi turk, e këta të fundit duhet t’ia dërgojë, Empolit.