Policia e Kosovës  ka njoftuar se ka arrestuar një zyrtar të gjendjes civile në Ferizaj nën dyshimin për veprën penale “Falsifikim i dokumentit zyrtar”.

Sipas Policisë së Kosovës rast ka ndodhur më 22 qershor të vitit të kaluar.

“Ferizaj 22.06.2023-NN.  Drejtoria për Hetimin e Krimeve Ekonomike dhe Korrupsionit pas ndërmarrjes së disa veprimeve hetimore ka arritur të sigurojë dëshmi se i dyshuarit mashkull kosovar zyrtar i gjendjes civile në Ferizaj,  gjatë kryerjes së detyrës zyrtare dyshohet se ka falsifikuar dokumentin zyrtar”,ka njoftuar PK në raportin 24 orësh.

Me vendim të prokurorit pas intervistimit i dyshuari është dërguar në mbajtje.

Lidhur me rastin është arrestuar edhe i dyshuari tjetër dhe i njëjti është dërguar në mbajtje.