Një aksident komunikacioni ka ndodhur në Suharekë, saktësisht në rrugën Vraniq-Bukosh, ky dy persona kanë mbetur të lënduar.

Lajmin e ka konfirmuar Vesel Gashi, zëdhënës i Policisë së Kosovës për rajonin e Prizrenit.

Ai ka thënë se në këtë aksident kanë qenë të përfshirë dy vetura, njëra me targa vendore e tjetra me ato të huaja.

Të dy të lënduarit kanë marrë trajtim mjekësor.

”Aksidenti ka ndodhur në ora 18:55 në rrugën Vraniq-Bukosh. Në këtë aksident janë të përfshira dy  automjete, njëra me targa vendore tjetra me targa të huaj. Dy persona janë lënduar, pas trajtimit mjekësor në Qendrën e Mjekësisë në Suharekë, njëri prej tyre është dërguar në Spitalin e Përgjithshëm të Prizrenit”, tha ai.

Ndërsa theksoi se me këtë rast është duke u marrë njësiti rajonal që po merret me hetimin e shkaqeve të këtij aksidenti.