Një dhurues i spermës ka zbuluar se ai nuk ka jetë seksuale, pavarësisht se është baba i 57 fëmijëve.

Burri, i cili ka shumë fëmijë në mbarë globin, ka zbuluar se jeta e tij seksuale është inekzistente, pasi ai është i përkushtuar për të ndihmuar të tjerët. Ai pretendon se ndërsa tregohet altruist, ndjen se jeta e tij është bërë “robotike” dhe se masturbimi është bërë një “punë e përditshme”.

Kyle Gordy, 31 vjeç, nga Kalifornia, SHBA, i cili njihet si @kylegordy1234 në Instagram, ka grumbulluar ndjekës në internet për hobin e tij si dhurues i spermës.

Në përpjekje për të ndihmuar familjet në vështirësi, ai ofron shërbimet e tij falas dhe ka treguar se shpesh “përmbytet” me mesazhe nga gratë që duan të kenë fëmijën e tij.

Kyle tha për NeedToKnow.Online: Unë mendoj se për shkak se jam masturbuar kaq shumë herë tani, ka filluar të ndihet mjaft robotike dhe përsëritëse. Nuk kam jetë seksuale jashtë dhurimit, është krejtësisht inekzistente, pasi një nga arsyet që nuk dal jashtë dhe kryej marrëdhënie është sepse dua ta ruaj atë për shanse më të mira shtatzënie. Unë gjithashtu nuk dua të rrezikoj duke kryer marrëdhënie me gra të rastësishme dhe të marr një sëmundje seksualisht të transmetueshme, kështu që kam shumë përgjegjësi mbi supet e mia dhe nuk do të rrezikoj.

31-vjeçari shpjegoi se ai vendosi të hiqte dorë nga takimet për të ndihmuar njerëzit e tjerë.

Ai tha: Më parë, unë shoqërohesha dhe kisha një jetë aktive seksuale, por zgjodha të hiqja dorë nga kjo për të ndihmuar gratë e tjera dhe familjet e tyre.

Ai gjithashtu ka filluar të bëjë më shumë pyetje për njerëzit të cilëve u dhuron, për t’u siguruar që ata do të jenë prindër ‘të mirë’ për fëmijën e tij.

Babai i 57 fëmijëve tha: Unë po bëj më shumë pyetje në lidhje me punën e tyre, shëndetin mendor, situatën financiare dhe qëndrimet e tyre prindërore. Unë nuk po i dhuroj spermën çdo personi tani, pasi dua të sigurohem që fëmija do të rritet siç duhet.”

Së fundmi, ai udhëtoi në Mbretërinë e Bashkuar dhe Francë për të dhuruar spermën për tre gra, të cilat tani janë shtatzëna. Dhe pasi u kthye në shtëpi, ai i dhuroi një gruaje tjetër, në total, duke ngjizur katër fëmijë brenda një muaji.

“Në muajin e ardhshëm janë edhe tre femra të tjera që janë të interesuara për mua”, ka thënë Kyle.

Më parë, ai zbuloi se si e ndihmoi një grua në Ukrainë, Alina, 30 vjeç, të ngjizte fëmijën e saj të parë, e cila lindi në të njëjtën ditë që filloi lufta.

“Fëmija im është i bukur dhe një mrekulli. I jam mirënjohës Kyle për realizimin e ëndrrave të mia”, ishte shprehur Alina më herët. /tvklan.al