Legjenda e Bayernit, Lothar Matthaus thotë se deklaratat e Manuel Neuer pas shkarkimit të trajnerit të portierëve, Toni Tapalovic, janë “të rënda” dhe se gardiani i portës gjermane nuk do ta rregullojë lehtë situatën në të cilën është futur.
Neuer pranoi se ishte shumë i zhgënjyer nga lëvizja e liderit të klubit dhe se ndjehej sikur dikush ia kishte hequr zemrën, duke shtuar se një lëvizje e tillë ishte gjëja më brutale që kishte përjetuar në karrierën e tij.
Mediat gjermane më herët shkruanin se trajneri kroat i portierëve është shkarkuar për shkak të mosmarrëveshjeve me trajnerin Julian Nagelsmann dhe pas deklaratave të Neuerit ka folur edhe legjendari Matthäus, i cili e ka paralajmëruar portierin gjerman për dëmin që ka bërë me fjalët e tij.
“Deklaratat e Neuerit janë të rënda, nuk do të jetë e lehtë të rregullohet situata në të cilën është futur”, tha Lothar Matthäus dhe vazhdoi:
“Askush nuk vdiq, vetëm trajneri i portierëve u shkarkua. Neuer duhet të pranojë çdo gjë që po ndodh dhe të mos komentojë publikisht. Ai sulmoi punëdhënësin e tij me fjalët dhe deklaratat e tij.”
Drejtori sportiv Salihamidzic përmendi “dallimet, veçanërisht për shkak të mënyrës se si ata punonin së bashku” si arsye për përjashtimin e Tapalovic. Tapalovic ishte trajner i portierëve të Bayernit që nga viti 2011
