Manchester City ka arritur të marrë një fitore spektakolare 5-4 ndaj Fulham në “Craven Cottage”.

Ndeshja ka qenë një klasike e Premier League, ku “Qytetarët” janë detyruar të përballen me një rikthim dramatik të vendasve.

Erling Haaland fillimisht e ka goditur shtyllën brenda gjashtë minutave e më pas e ka shënuar golin e 100-të në Premier League. Gjithashtu Phil Foden ka spikatur me dy gola spektakolarë, ndërsa Fulham ka arritur të shënojë katër herë për të bërë fundin e takimit dramatik. Samuel Chukwueze dhe Alex Iwobi kanë shënuar për Fulham, duke e kthyer ndeshjen në një dramë.

Megjithatë, City e ka ruajtur avantazhin dhe e ka fituar një nga ndeshjet më të ndezura të sezonit. Kjo fitore është e katërta për City në pesë ndeshjet e fundit të ligës, ndërsa Fulham ka pësuar humbjen e dytë në shtëpi këtë sezon.