Krimi në familje është rikthyer mesditën e sotme në Gramsh, ku burri qëlloi për vdekje me armë gruan dhe vëllain e tij.

Ngjarja e rëndë u shënua në fshatin Tervol të Gramshit, ndërsa ende nuk dihen motivet e këtij krimi të dyfishtë në familje.

Mësohet se 75-vjeçari, Xhavit Sinani ka qëlluar me armën e gjahut ndaj gruas, me iniciale Z.S dhe vëllait të tij, SH.S, duke i lënë të vdekur në vend.

Paraprakisht dyshohet se 75-vjeçari ishte i sëmurë dhe vuante nga skleroza.

Shërbimet e Policisë janë nisur urgjent në vendngjarje për të hedhur dritë mbi rrethanat e ngjarjes që çuan në këtë krim të dyfishtë në familje./abcnews.al/