Bordi i RTK-së nuk e pranon dorëheqjen e Ilir Bytyçit: Duhet të kishte njoftuar tre muaj më herët
Ka dhënë dorëheqje anëtari i Bordit të Radiotelevizionit të Kosovës (RTK), Ilir Bytyçi.
Ndaj kësaj dorëheqjeje ka reaguar Kryetari i Bordit të RTK-së, Sali Bashota.
Bashota nuk e ka pranuar dorëheqjen e Bytyçit me arsyetimin se anëtarët e Bordit mund të japin dorëheqje duke njoftuar me shkrim Bordin të paktën tre (3) muaj përpara.
“Sipas Ligjit të RTK-së, neni 28, pika 4, ku parashihet shkarkimi dhe dorëheqja e anëtarit të Bordit, thuhet në mënyrë të qartë: “Anëtarët e Bordit mund të japin dorëheqje duke njoftuar me shkrim Bordin të paktën tre (3) muaj përpara””.
Bashota thotë se në këtë fazë dorëheqja e anëtarit të Bordit të RTK-së, është në kundërshtim me ligjin dhe si e tillë është e papranueshme.