Antonio Conte dëshiron të drejtojë Bayern Munich

“Këtë kohë e mora për veten time, për familjen time dhe për të vizituar prindërit e mi, por tani problemi im i vetëm është se kam shumë energji dhe po e shqetësoj gruan time. Sinqerisht, një ditë do të doja të fitoja Champions League si trajner”.

Antonio Conte është i etur për një rikthim të madh në stol, por e ardhmja e tij mund të mos jetë në Itali, sepse sipas asaj që raporton gazetari i “Bild”, Christian Falk, trajneri italian ka zgjedhur Bayernin për të rifilluar, gjë që sigurisht do të jetë mund të bëhet zyrtare në fund të sezonit (nëse jo më parë), kur klubi gjerman do t’i japë fund marrëdhënies së tij me Thomas Tuchel.

Gazeta gjermane raporton se Conte do ta shihte klubin gjerman si skuadrën perfekte për t’u rikthyer në garë dhe për t’u përpjekur për të përmbushur ëndrrën e Ligës së Kampionëve dhe për këtë arsye është i hapur për negociata me drejtuesit “bavarezë”, të cilët, gjithashtu, po vlerësojnë profile të tjera si Zinedine Zidane, Sebastian Hoeness dhe atë Xabi Alonso që po udhëheq Leverkusen drejt ëndrrës së titullit të tyre të parë kombëtar.

E vetmja gjë e sigurt për momentin në Munich duket së është lamtumira e Tuchel-it nga Bayerni, skuadra ndodhet në vendin e dytë në kampionat (-8 pikë nga kryesuesit e Leverkusen), e eliminuar në Kupën e Gjermanisë nga Saarbrucken dhe në disavantazh (1-0) pas ndeshjes së parë ndaj Lazios në Champions League.

Go to TOP