Ambasadori ukrainas në Britani i bën thirrje NATO-s të dërgojë trupa në Ukrainë: Janë e vetmja forcë që mund të ndalojë Ushtrinë e Kuqe

Ambasadori ukrainas në Britaninë e Madhe, Vadym Prystaiko, ka mbajtur një konferencë shtypi të enjten pasdite, pas pushtimit rus të Ukrainës.

Sipas mediave të huaja, Prystaiko, bëri thirrje që të vendoset një zonë ndalim-fluturimi mbi vendin e tij.

Duke folur me gazetarët në Londër, Prystaiko tha se vendi dëshironte “diçka që vetëm NATO mund ta sigurojë” dhe kjo ishte një zonë e ndaluar fluturimi mbi vend.

Në këtë drejtim, siç thekson The Telegraph “ambasadori ukrainas në Britaninë e Madhe, Vadym Prestaiko i ka bërë thirrje NATO-s të dërgojë trupa në Ukrainë, duke thënë se ‘ato janë të vetmet forca në botë që mund të ndalojnë Ushtrinë e Kuqe të fuqishme’”.

Prystaiko tha se armët antitank të furnizuara nga Britania e Madhe ishin përdorur kundër tankeve ruse të enjten, ndërsa ai i bëri thirrje NATO-s të dërgonte trupa në Ukrainë.

Ai tha se “duhej të kishim filluar shumë më herët, ndoshta dekada më parë” për t’u përgatitur për agresionin rus.

“Kjo është arsyeja pse ne jemi përpjekur të hyjmë në NATO (për) gjatë gjithë këtyre viteve”, tha ai. “Sepse ne gjithmonë kemi besuar se kjo do të vinte”. 

Go to TOP