Ambasada e Shteteve të Bashkuara të Amerikës në Kosovë, ka shprehur solidarizimin me familjarët e personave të pagjetur.

“Sot është Dita Kombëtare e Personave të Zhdukur në Kosovë. Pas më shumë se dy dekadash, familjeve ende u mungojnë përgjigjet dhe përfundim i ngjarjes për të dashurit e tyre. Sot, ne qëndrojmë së bashku me anëtarët e familjes që ende – pas dekadash – nuk e dinë se çfarë ndodhi me të dashurit e tyre të humbur”, kanë shkruar nga ambasada në X.

Ata kanë bërë thirrje për prioritizim të gjetjes së eshtrave të të zhdukurve.

“Gjetja e përgjigjeve që sigurojnë mbyllje për familjet e të zhdukurve duhet të jetë prioritet”, kanë shkruar. /Kosova.info/

Today is Kosovo’s National Day of Missing Persons. After over two decades, families still lack answers and closure about their loved ones. Today, we stand together with family members who still – decades later – don’t know what happened to their missing loved ones. Finding…

— U.S. Embassy Pristina (@USEmbPristina) April 27, 2024