Ish-Ministri i Punëve të Brendshme dhe deputeti i LDK’së, Agim Veliu, ka thënë se me njohjen e patentë shoferëve nga Gjermania, afria e Kosovës dhe Gjermanisë shënon një hap të ri në marrëdhënien mes këtyre shtetevem.

Ai ka falenderuar Qeverinë e Gjermanisë, ish-kancelaren Angela Merkel dhe Kancelarin Scholz, për angazhim dhe përmbyllje të kësaj marrëveshje.

“Dua me këtë rast të falenderoj Qeverinë e Gjermanisë, Kancelaren Merkel dhe Kancelarin Scholz për këtë angazhim dhe përmbyllje të kësaj marrëveshjeje.

Një falenderim i veçantë shkon edhe për homologun tim Ministrin e Brendshëm Seehofer dhe atë të Transportit Scheuer. Nuk kam këtu si të mos falenderoj sidomos Drejtorin e Marrëdhënieve Ndërkombëtare të Ministrisë së Transprortit në Gjermani, Z. Guido Zielke me të cilin kam bashkëpunuar ngushtë të përmbushim sugjerimet për të përmbyllur këtë proces. Falenderoj edhe Ambasadorin Beqë Cufaj dhe Drejtorin e ARC Bekim Hoxha. Kosova nga sot është edhe më afër Gjermanisë”, ka shkruar Veliu.